ភ្នំកោលីកុងស្ថិតនៅភាគខាងលិចខេត្តយូណាន នៅក្នុងភ្នំនេះមានភូមិជនជាតិលីស៊ូតូចមួយឈ្មោះវៃឡាឡុ។ គ្រួសាររបស់លោកYang Jieបានស្នាក់នៅដោយពឹងផ្អែកលើភ្នំ ដែលបានដាំTsaoko（ខ្មៅក្រវាញ ជាគ្រឿងទេសម្យ៉ាង）៦៦៦៦.៧ម៉ែត្រការេនិងដើមឈើវ៉ុលណាត់(Walnut)ចំនួន១៥០ដើមដើម្បីចិញ្ចឹមជីវិត។ ប្តីប្រពន្ធYang Jieមានកូនស្រីគួរឱ្យស្រឡាញ់ពីរនាក់ បងស្រីឈ្មោះ Yang Zuxuanដែលមានអាយុ៩ឆ្នាំនិងប្អូនស្រី Yang Yuxuanដែលមានអាយុ៦ឆ្នាំ។
ផ្ទះឈើរបស់គ្រួសារលោក Yang Jie សាងសង់នៅលើភ្នំជម្រាលដ៏ចោតមួយដូចជាគ្រួសារដទៃ ដើម្បីឱ្យកូនស្រីទាំងពីរមានកន្លែងលេងកាន់តែច្រើន រយៈពេលពីរឆ្នាំកន្លះមុន លោក Yang Jieបានពឹងពាក់អ្នកបើកម៉ាស៊ីនកាយដីភ្នំជម្រាលនៅក្បែរលំនៅដ្ឋានឱ្យក្លាយជាដីរាបស្មើ។ លោក Yang Jieចង់ធ្វើរបស់ល្អមួយដល់កូនស្រី គាត់បានរកឃើញឈើពីរដើម ដែលប្រើប្រាស់សរសៃដែករុំយ៉ាងមាំ ផ្នែកម្ខាងដោតចូលដី ផ្នែកម្ខាងទៀតដោតចូលភ្នំជម្រាល ថែមទាំងប្រើខ្សែពួរចងភ្ជាប់ជាមួយក្តារឈើដែលនោះគឺជាទោងដែលកូនស្រីចូលចិត្តបំផុត។
នេះជាទោងតែមួយគត់នៅក្នុងភូមិជាធម្មតា កូនស្រីទាំងពីរនាក់ចូលចិត្តអង្គុយលេង ក្នុងភ្នែកកូនស្រី ឪពុកដូចជាអ្នកចេះវេទមន្ត ដោយសារទោងបានធ្វើឡើងយ៉ាងងាយស្រួល រយៈពេលជាងពីរឆ្នាំកន្លងមក លោក Yang Jieតែងតែជួសជុលវាជាប្រចាំ។
ភូមិវៃឡាឡុជាភូមិតូចមួយនៃភូមិមាវចៅ ឃុំដាស៊ីនឌី ទីក្រុងរុសុយ មណ្ឌលស្វយ័តជនជាតិលីស៊ូ នុចាំងខេត្តយូណាន ក្នុងគ្រួសារចំនួន៤៩នៃភូមិនេះ គ្រួសារក្រីក្រដែលបានចុះបញ្ជីដូចជាគ្រួសារ Luo Jie មានចំនួន៣០។ ឆ្នាំ២០១៨ រដ្ឋបាលនៅទីនោះបានរៀបចំការជួយឧបត្ថម្ភតាមរយៈការផ្លាស់ប្តូរទីលំនៅដើម្បីពីតំបន់ក្រីក្រ គ្រួសារ Yang Jie ត្រូវបានចែកទីលំនៅដែលមានទំហំ១០០ម៉ែត្រការេ បច្ចុប្បន្ននេះ ទឹកប្រើប្រាស់ និងអគ្គីសនីសុទ្ធតែបានបំពាក់គ្រប់គ្រាន់ រងចាំគ្រឿងអគ្គិសនីក្នុងផ្ទះនិងគ្រឿងសង្ហារឹមដែលផ្គត់ផ្គង់ដោយរដ្ឋបាលផ្តល់ជូននឹងអាចរើចូលក្នុងផ្ទះថ្មី៕
