ក្នុងចិត្តអ្នកបើកបររថភ្លើងល្បឿនលឿនមានបេសកកម្មធំបំផុត

　　ការដឹកអ្នកដំណើរក្នុងអំឡុងពេលបុណ្យចូលឆ្នាំថ្មីប្រពៃណីចិនឆ្នាំ២០១៩ជាចំណុចសំខាន់មួយក្នុងអាជីពរបស់លោក Li Xianping ដោយសារតែនេះជាអី្វដែលគាត់បានទទួលភារៈកិច្ចលើកដំបូងសម្រាប់បើករថភ្លើងដឹកអ្នកដំណើរក្នុងអំឡុងពេលបុណ្យចូលឆ្នាំថ្មីប្រពៃណីចិនក្រោយពីគាត់ក្លាយទៅជាអ្នកបើករថភ្លើង។

　　នៅឆ្នាំ២០១២  ក្រោយពីលោក Li Xianping បញ្ចប់សិក្សាពីសាកលវិទ្យាល័យ  ដែលបានមកដល់ក្រុមហ៊ុនផ្លូវដែកចិនក្រុមគុនមីញគ្រុបធ្វើការ  ក្នុងអាជីពរយៈពេល៧ឆ្នាំរបស់គាត់  គាត់ធ្លាប់ជាអ្នកបើកបររង  អ្នកបើកបរ  អ្នកណែនាំបើកបរជាដើម។

　　នាថ្ងៃទី០៥ ខែមករា ឆ្នាំ២០១៩  ក្រុមរថភ្លើងល្បឿនលឿនបានបើកលើកដំបូងពីទីក្រុងគុនមីញទៅកាន់ទីក្រុងមឹងជឺ។  ក្រុមរថភ្លើងល្បឿនលឿនរវាងទីក្រុងគុនមីញនិងមឹងជឺគឺ ក្រុមរថភ្លើងល្បឿនលឿនប្រភេទ CR200J　ឈ្មោះហ្វូស៊ីន  ដែលមានល្បឿន១៦០គីឡូម៉ែត្រក្នុងមួយម៉ោង។   លោក Li Xianping បានបើករថភ្លើងល្បឿនលឿនប្រភេទនេះ ដើម្បីបម្រើក្នុងការដឹកអ្នកដំណើរក្នុងអំឡុងពេលបុណ្យចូលឆ្នាំថ្មីប្រពៃណីចិនឆ្នាំ២០១៩។

　　ដោយសារលើកនេះជាលើកទីមួយដែលលោកបើករថភ្លើងដឹកអ្នកដំណើរក្នុងអំឡុងពេលបុណ្យចូលឆ្នាំថ្មីប្រពៃណីចិន លោក Li Xianpingមានអារម្មណ៍តឹងតែង។  ពេលយប់ថ្ងៃទី២០ ខែមករា លោក Li Xianpingបានផុសលើ Wechatថា ថ្ងៃស្អែកជាការបើករថភ្លើងដឹកអ្នកដំណើរក្នុងអំឡុងពេលបុណ្យចូលឆ្នាំថ្មីប្រពៃណីចិនលើកទីមួយ  មានអារម្មណ៍រំភើប  ក៏មានអារម្មណ៍ទទួលខុសត្រូវខ្ពស់ផងដែរ។

  

　　កាលពីមុនធ្លាប់បើករថភ្លើងធម្មតា  ដែលមានល្បឿន៨០គីឡូម៉ែត្រក្នុងមួយម៉ោង  តែឥឡូវនេះបើករថភ្លើងល្បឿនលឿនដែលមានល្បឿន១៦០គីឡូម៉ែត្រក្នុងមួយម៉ោង ចំពោះខ្ញុំគឺមានភាពរីកចម្រើនយ៉ាងខ្លាំង  លោក Li Xianping និយាយបែបនេះ។  នាព្រឹកថ្ងៃទី១២  ខណៈពេលដែលក្រុមរថភ្លើងល្បឿនលឿនដល់ស្ថានីយ៍រថភ្លើងដោយមានសុវត្ថិភាព  លោក Li Xianping មានអារម្មណ៍មោទនភាពជាខ្លាំង។

　　ការបើករថភ្លើងដឹកអ្នកដំណើរដល់គោលដៅដោយសុវត្ថិភាព  គឺជាបេសកកម្មដ៏ធំបំផុតរបស់ខ្ញុំលោក Li Xianping និយាយបែបនេះ៕