និស្សិតខេត្តយូណានបានចូលរួមក្រុមអ្នកស្ម័គ្រចិត្តនៃពិព័រណ៍នាំចូលអន្តរជាតិចិន ដើម្បីផ្តល់សេវាកម្មបកប្រែតាមភាសានៃប្រទេសអាស៊ីអាគ្នេយ៍

2019-11-05 16:48:46 |ប្រភព:yunnangateway

នាថ្ងៃទី១ ខែវិច្ឆិកា  ការបណ្តុះបណ្តាលក្នុងប្រធានបទឯកទេសដល់អ្នកស្ម័គ្រចិត្តនៃពិព័រណ៍នាំចូលអន្តរជាតិចិនលើកទី២  មាននិស្សិតចំនួន៥រូបដែលមកពីសាកលវិទ្យាល័យយូណានមីងហ្ស៊ូបានបង្ហាញមុខនៅទីតាំងពិព័រណ៍  នេះជាសកម្មភាពពង្រីកការប្រមូលអ្នកស្ម័គ្រចិត្តបន្ថែមទៀតនៃពិព័រណ៍នាំចូលអន្តរជាតិក្រៅពីការប្រមូលអ្នកស្ម័គ្រចិត្តបានពង្រីកដល់តំបន់ដីសណ្តទន្លេយ៉ាងស្សេ។  និស្សិតចំនួន៥រូបនេះជានិស្សិតបរិញ្ញាប័ត្រនិងនិស្សិតអនុបណ្ឌិតដែលកំពុងសិក្សាភាសាថៃ  ភាសាមីយ៉ាន់ម៉ា ភាសាខ្មែរ  និងភាសាឡាវជាដើម  ឆ្លងកាត់គ្រូបង្រៀនធ្វើឧទ្ទេសនាមនិងការជ្រើសរើសដោយសាកលវិទ្យាល័យបានចូលក្នុងក្រុមស្ម័គ្រចិត្តនៃពិព័រណ៍នាំចូលអន្តរជាតិចិន។  ក្រៅពីបានទទួលការបណ្តុះបណ្តាលក្នុងប្រធានបទឯកទេសនិងអនុវត្តការហ្វឹកហាត់  ពួកគេនៅថ្ងៃនេះបានចូលបម្រើការងារនៅតំបន់ពិព័រណ៍ដូចជាបញ្ជរសាកសួរព័ត៌មាន  ដើម្បីផ្តល់សេវាកម្មបកប្រែតាមភាសានៃប្រទេសអាស៊ីអាគ្នេយ៍ឱ្យកាន់តែល្អប្រសើរដល់ពិព័រណ៍នាំចូលអន្តរជាតិចិនលើកទី២៕