នាថ្ងៃទី០១ ខែមីនា នៅឃុំជនជាតិដឺអាំងសានថែសាននៃមណ្ឌលស្វយ័តជនជាតិតៃជនជាតិចីនភ៉ូដឺហុងមានអាកាសធាតុយ៉ាងល្អប្រសើរ ឃុំនេះត្រូវបានប្រសិទ្ធិនាមជា“ស្រុកកំណើតរបស់តែជូរ”។ ពេលពួកយើងផឹកតែជូរមួយម៉ាត់ដំបូងតែងសរសើរថា ផ្អែម!
ឃុំសានថែសានគឺជាឃុំជនជាតិដឺអាំងតែមួយគត់ក្នុងប្រទេសចិន ប្រជាជនជនជាតិដឺអាំងមានចំនួន៤៣៩០នាក់ ដែលមានអាត្រា៦១%ក្នុងឃុំទាំងមូល និងមានអាត្រា២២%ក្នុងមនុស្សជនជាតិដឺអាំងទូទាំងប្រទេសចិន ភូមិប្រពៃណីឈុទុងក្វ័រជាតំបន់ការពារស្នូលរបស់ជនជាតិដឺអាំង។ “ជីវភាពរស់នៅបច្ចុប្បន្ននេះបានកើតមានការបម្រែបម្រួលជាខ្លាំង។”លោក Zhao Latui និយាយដោយរំលឹកឡើងវិញថា នៅកាលពីមុន អ្វីៗក្នុងជីវភាពរស់នៅសុទ្ធតែធ្វើឱ្យគាត់មានការខ្វល់ខ្វាយ។
នៅឆ្នាំ២០០៩ លោក Zhao Latuiបានកែច្នៃផ្ទះឬស្សីរបស់ផ្ទះខ្លួនក្លាយទៅជាភោជនីយដ្ឋាន“ប្រាក់ចំណូលរៀងរាល់ឆ្នាំមានប្រមាណ១០ម៉ឺនយ័ន។”
លោក Zhao Latuiមិនគ្រាន់តែជាប្រធាននៃគណៈកម្មាធិការត្រួតពិនិត្យធុរកិច្ចភូមិនៃភូមិទុងក្វ័រ ថែមទាំងជានាយកអ្នកជំនាញថ្នាក់មណ្ឌលស្វយ័តធ្វើតែជូរជនជាតិដឺអាំងទៀតផង។“តែជូរជាភេសជ្ជៈពិសេសរបស់ជនជាតិដឺអាំង បច្ចេកវិទ្យធ្វើតែជូរត្រូវបន្តវេនទៅមុខទៀត។”
អ្វីដែលជារឿងយកចិត្តទុកដាក់បំផុតនោះគឺ លោក Zhao Latuiនិយាយថា ការការពារវប្បធម៌ប្រពៃណីជនជាតិដឺអាំងឱ្យល្អប្រសើរ ជាមួយគ្នានេះ ប្រើប្រាស់លក្ខណៈពិសេសទាំងនេះធ្វើឱ្យប្រជាជននៅនឹងកន្លែងអភិវឌ្ឍទេសចរណ៍ក្នុងភូមិ ឆ្ពោះទៅកាន់ជីវភាពរស់នៅធូរធាររួមគ្នា៕
អ្នកសារព័ត៌មាន៖ Liu Rong Xiong Yan Chu Donghua
វិដេអូ៖Li Wenjun
អ្នកបកប្រែ៖លីហ្សា
