ម្ហូបអាហាររាត្រីថ្ងៃបុណ្យចូលឆ្នាំថ្មីប្រពៃណីចិននៃជនជាតិម៉ូសូខេត្តយូណាន

2020-01-19 17:29:06 |ប្រភព:yunnangateway

ចូលដល់ថ្ងៃបុណ្យឆ្នាំថ្មីចិនផ្ទៃមេឃមិនទាន់ភ្លឺផង  ស្ត្រីដាឡាឈូជាជនជាតិម៉ូសូដែលមកពីភូមិវ៉ាឡាបៀ ស្រុកនីនឡាំង ទីក្រុងលីចាំងបានក្រោកពីដំណេកហើយបង្កាត់ភ្លើងដាំទឹកពួកគេមមាញឹកណាស់ក្នុងការធ្វើម្ហូបសម្រាប់យប់ថ្ងៃបុណ្យចូលឆ្នាំច្មីចិន  ពួកគេគ្មានពេលទំនេរនិយាយលេងជាមួយអ្នកដទៃ តែទឹកមុខនៅតែបញ្ចេញនូវស្នាមញញឹមជានិច្ច។

ម៉ោង៥ល្ងាច  ក្នុងភូមិបានបន្លឺស្នូរសម្លេងផាវផ្ទុះ  ដែលមានន័យថា  ពេលបរិភោគបាយយប់ថ្ងៃបុណ្យចូលឆ្នាំថ្មីបានដល់ហើយ។   ស្ត្រី ដាឡាឈូ  បែកញើសពេញក្បាលហើយលើកម្ហូបដាក់តុៗ  កូនប្រុសឈរនៅក្បែររាប់ចំនួនម្ហូប  “១ ២ ៣……១៦មុខ គ្រប់ហើយ។”

ម្ហូបអាហារចំនួន១៦មុខភាគច្រើនជាម្ហូបសាច់  ក្នុងចានមានដុំសាច់យ៉ាងធំ។  ស្ត្រីដាឡាឈូប្រាប់យើងថា  កាលពីមុន  ភូមិវ៉ាឡាបៀជាភូមិតូចហើយក្រីក្រ  ដែលស្ថិតនៅតំបន់ឆ្ងាយដាច់ស្រយាល  ហេតុនេះហើយបានជាពួកគេតែងតែសន្សំសំចៃម្ហូបល្អបំផុតសម្រាប់ថ្ងៃបុណ្យចូលឆ្នាំថ្មីចិន។  បច្ចុប្បន្ននេះ  ភូមិវ៉ាឡាបៀបានអភិវឌ្ឍទេសចរណ៍ភូមិយ៉ាងខ្លាំងក្លា  ជីវភាពអ្នកភូមិបានធូរធារពីមួយថ្ងៃទៅមួយថ្ងៃ  តែទំនៀមទម្លាប់ញ៉ាំសាច់ធំពេលហូបបាយយប់ពេលថ្ងៃបុណ្យចូលឆ្នាំថ្មីចិនគឺនៅតែរក្សាដដែល។

ក្រោយពីបានបរិភោគបាយយប់ថ្ងៃបុណ្យចូលឆ្នាំថ្មីចិន  អ្នកទាំងអស់គ្នាបានអង្គុយជុំវិញភ្លើងអាំងសាច់ជាមួយគ្នា  ក្នុងភូមិអំពូលភ្លើងនៃគ្រួសារនីមួយៗសុទ្ធតែបើកបំភ្លឺអ្នកភូមិនិយាយលេងផងសើចផង ពិតជាសប្បាយរីករាយណាស់។  ស្ត្រី ដាឡាឈូនិងប្តីគិតថា  ឆ្នាំក្រោយនឹងកែច្នៃផ្ទះទៅជាផ្ទះសំណាក់តាមភូមិ  ដើម្បីផ្តល់សេវាកម្មស្នាក់នៅសម្រាប់ភ្ញៀវទេសចរណ៍  ក៏អាចបង្ហាញវប្បធម៌ប្រពៃណីជនជាតិម៉ូសូផងដែរ៕

អ្នកសារព័ត៌មាន៖ Gong Jingyang

ប្រភពរូបថត៖ Liu Jiatong

អ្នកបកប្រែ៖ លីហ្សា